BLOG DA BIBLIOTECA DO CEIP PORTO CABEIRO (REDONDELA, PONTEVEDRA)

BLOG DA BIBLIOTECA DO CEIP PORTO CABEIRO (REDONDELA, PONTEVEDRA)
SAÍNZA, A NOSA MASCOTA

sábado, 3 de febrero de 2018

CELEBRACION DO DÍA DA PAZ 2.018


 
Este arlequín, pintado por Pablo Picasso e dedicado ao seu fillo Paulo, foi o motivo escollido pola mestra de inglés para reproducir nas Seccións Bilingües de Plástica (5º e 6º de Primaria). A Biblioteca colaborou con esta actividade para así unir Paz e Circo, titulandoa
 “Co corazón dun pallaso".
O arlequín cubriuse coas siluetas das mans do alumnado nas que, en inglés, escribiron palabras de Paz, PEACE: boas intencións e desexos saídos  da bondade dun pallaso.

A sorpresa que nos deparou a celebración do Día da Paz este ano foi a visita de  "Sonrisas por Tiritas", organizada polo equipo de AAEE do colexio. Esta asociación fai un gran labor solidario no Hospital Álvaro Cunqueiro de Vigo levando ledicia aos cativos enfermos alí ingresados.
Tres doutores tiritas, pallasos e contacontos, explicáronnos o seu labor cun vídeo, fixéronnos rir con pallasadas e cun conto, e ensináronnos a facer a pomba da paz con papel.
Ademais de coñecer o seu labor solidario pasámolo xenial con estes  pallasos tan xenerosos.

viernes, 19 de enero de 2018

NA PISTA... RECICLADORES ARTISTAS

 Tal e como lles pediramos, alumnado e  familias elaboraron, nas vacacións de Nadal, con materiais de refugallo, figuras relacionadas co Circo e con todas elas montamos no recibidor do colexio, na zona da Biblioteca para as familias, unha marabillosa Exposición de Reciclaxe baixo o título "Na pista... Recicladores Artistas".
E, efectivamente, na nosa Comunidade Educativa contamos con grandes artistas que reciclaron  diferentes materiais: cartóns, todo tipo de envases de plástico, teas... cos que construíron  carpas, pistas e caravanas; artistas como pallasos, magos, fonambulistas, homes bala; utensilios como chisteras, mazas 
Elixiranse  varias figuras que, de agasallo, recibirán libros de lectura. 
Con esta actividade lembramos que hai que reciclar para salvar o noso planeta.
  O ALUMNADO XA PODE GOZAR DESTA EXPOSICIÓN CIRCENSE QUE ESTARÁ MONTADA ATA O ENTROIDO. 
FAMILIAS VINDE VELA.

jueves, 18 de enero de 2018

A MAXIA DO MAGO CALI CHEGOU AO NOSO COLEXIO



Todo circo que se queira dar a valer ten, entre os seus artistas, un mago. Por iso, a Biblioteca convidou ao mago Cali para que desenvolvese diante do noso alumnado o seu espectáculo de maxia, cheo de trucos sorprendentes realizados
 coas mans,
con panos,
que cambiaban de cor por arte de maxia, ante a sorpresa dos nenos axudantes,

 con pompóns, que modificaban de posición sen explicación lóxica
 con chisteiras que escondían imaxes de coelliños, que intercalaban a súa posición inexplicablemente
con cordas, nun intre enteiras e noutro semellando partidas, con nós e axiña sen eles, vaia lío!
cos números 1, 2, 3 e 4 cambiando de posición coma toliños…
cun libro, nun momento coas follas en branco, de repente con debuxos en branco e negro e, finalmente, a cores... como é posible?
con tanta maxia o mago Cali fixo as delicias do público, de grandes e de pequenos

que o aplaudiron con ganas
como tamén aplaudiron aos "seus axudantes", que o pasaron pipa en todo momento.
Ata outra ocasión que volvamos gozar da túa maxia.

miércoles, 17 de enero de 2018

AS MALETAS VIAXEIRAS DO CURSO 2.017/18 CHEGAN A 2º E A 6º

A Biblioteca preparou dúas Maletas Viaxeiras: unha para os maiores da  escola;
 e outra, para os máis cativos,
cheas de materiais de  literatura e consulta, como son os libros do circo ou os escritos por María Canosa, que visitará proximamente a Biblioteca.
 Ámbalas maletas estarán entre catro e cinco  semanas en cada clase. Levan dentro o inventario dos materiais (libros e revistas) e o calendario coas quendas de reparto.
 A dos peques  viaxou primeiro a 2º de Primaria

e a dos maiores foi a 6º.
Pero tranquilos que chegarán a todas as aulas no resto do curso

miércoles, 10 de enero de 2018

EXPOSICIÓN: "APRENDER A PENSAR"

  "APRENDE A PENSAR COA BIBLIOTECA ESCOLAR" 
é o lema de Bibliotecas para este curso 2.017/ 18. Por iso, decidemos facer unha Exposición cunha selección de materiais diversos de consulta cos que aprender e razoar: de  experimentos, inventos e ciencia; de exploracións, marabillas e tradicións do mundo; de matemáticas e números; do corpo humano, alimentación e saúde; da natureza, medio ambiente e animais; do tempo e  das estacións; do espazo; de arte; de xadrez…
Vinde consultar e ler durante o mes de xaneiro estes materiais que seguro vos resultarán moi interantes.

jueves, 4 de enero de 2018

51 ACTIVIDADES LIM CO CIRCO



Para  aprender  de forma divertida  información sobre o CIRCO  xoga con estas 51 actividades LIM

miércoles, 20 de diciembre de 2017

ENCONTRO CON MARCOS CALVEIRO


 O alumnado de 4º, 5º e 6º de Primaria mantivo un Encontro co escritor MARCOS CALVEIRO na Biblioteca. Previamente, lemos o seu libro “A casiña branca”
Logo da súa charla, que resultou moi interesante, puidemos facerlle unha morea de preguntas, a maioría sobre o libro que lemos, pero tamén sobre a súa faceta como escritor. MARCOS contestou a todas, fotografouse ao lado da nosa mascota, Saínza, asinou no Libro de Honra da Biblioteca e tamén nos exemplares de "A casiña branca" que temos na biblioteca.

Recomendamos a lectura porque en opinión dos nenos/as é:
"Un libro por veces triste, pero cun final aberto e esperanzador. Ademais os protagonistas son dous nenos que interveñen nunha acción chea de suspense e misterio".
Para saber máis de MARCOS CALVEIRO lede esta entrevista