BLOG DA BIBLIOTECA DO CEIP PORTO CABEIRO (REDONDELA, PONTEVEDRA)

BLOG DA BIBLIOTECA DO CEIP PORTO CABEIRO (REDONDELA, PONTEVEDRA)
SAÍNZA, A NOSA MASCOTA

sábado, 24 de junio de 2017

GUÍA DE LECTURA DO VERÁN

PARA GOZAR DA LECTURA NO VERÁN AS BIBLIOTECAS DOS COLEXIOS DE REDONDELA COLABORAMOS PARA ELABORAR ESTA GUÍA DE LECTURA. A LER!!!

viernes, 23 de junio de 2017

DESPEDIDA E NOVO PROXECTO

 NO ÚLTIMO DÍA DE CLASE, CELEBRAMOS UNHA FESTA FIN DE CURSO E NELA ENTREGAMOS AOS 14 VOLUNTARIOS/AS DA BIBLIOTECA, DE 5º E 6º DE PRIMARIA, UNHA LIBRETA DE BIBLIOTECAS ESCOLARES, UN MERECIDO AGASALLO POLA SÚA AXUDA AO LOGO DE TODO O CURSO.
GRAZAS: LAURA, MARTINA, NAYARA, NEREA E ISMAEL DE 5º; ANDREA, NOA, YOEL, LAIRA, LARA, ARAIZ, SOFÍA, MARTA, TANIA DE 6º.
TAMÉN ENTREGAMOS LIBROS DE AGASALLO OS PREMIADOS DA EXPOSICIÓN DE RECICLAXE
 FELICIDADES A TODOS/AS OS PREMIADOS/AS.
 SAÍNZA XA QUEDA RECOLLIDA NA BIBLIOTECA, UN POUCO TRISTE SEN NENOS/AS QUE A VISITEN. PERO VAI ESTAR MOI ATAREFADA PREPARANDO AS SORPRESAS QUE NOS DEPARARÁ O PROXECTO PARA O VINDEIRO CURSO. ATENCIÓN QUE LEVARÁ POR TÍTULO: "DONAS E CABALEIROS, CON VOSTEDES... O CIRCO DE PORTO CABEIRO"
Investigaremos sobre o Circo, xa que representa un mundo de ilusión, color, maxia e diversión, que resulta moi atractivo e motivador para os nenos e nenas. 

Coñeceremos elementos característicos: a carpa, o escenario e as gradas; útiles e roupas; distintos oficios como acróbatas, malabaristas, pallasos e moitos máis que nos levarán a reflexionar sobre a importancia do traballo cooperativo e o esforzo. E descubriremos un modo de vida itinerante, diferente ao noso.
 
 Queremos mostrar as dúas caras do circo: por un lado, o espectáculo en si mesmo, pero tamén o que está agochado detrás do pano e que os espectadores non podemos ver.
    Descubriremos obras de Arte que reflicten este mundo: pintura, poesía, teatro, música, cine…

sábado, 27 de mayo de 2017

VIAXE INTERPLANETARIA


 A Biblioteca, coa colaboración do profesorado e alumnado, confeccionou as imaxes e o texto deste Kamishibai que pretende ser un relato informativo para amosar o máis importante do aprendido sobre o Espazo.
   Empregáronse distintos recursos informativos: libros, atlas e revistas dispoñibles na Biblioteca, enlaces de Internet… Leva por título “Viaxe Interplanetaria” e o elemento de enlace é a mascota Saínza que, na súa nave espacial, viaxa polos planetas do Sistema Solar, polas estrelas e pola Lúa.
 Unha vez impreso, no seu formato final en A-3, preparamos a súa presentación e representación diante de todo alumnado, en diversos pases que realizamos na Biblioteca, acompañando con música xaponesa e con ambientación do Espazo.
Na súa posta en escena colaborou alumnado de todas as aulas e voluntarios/as da Biblioteca que recibiron ao rematar a representación o aplauso dos restantes compañeiros/as do colexio.
Podedes ler o texto do KAMISHIBAI e mirar as súas imaxes na Páxina do ESPAZO

jueves, 25 de mayo de 2017

CONTO MUSICAL


O grupo Oviravai ( se queres escoitar a música pincha enriba ) acudiu ao Colexio para, a través dunha música contaxiosa e chea de ritmo, presentarnos o conto titulado “As andanzas de Paio”, un libro - disco que, como non podía ser menos, foi adquirido pola Biblioteca para incorporar aos seus fondos.
    O concerto entusiasmou ao alumnado cativo que rapidamente se deixou contaxiar pola música e se puxo a cantar e bailar á beira do grupo Oviravai.
 Esta actividade foi organizada en colaboración co Concello de Redondela.

lunes, 22 de mayo de 2017

CONTA CONTOS CON IAGO LÓPEZ



“O cociñeiro Martiño” é un libro para cativos/as escrito por Iago López que acudiu ao noso colexio, convidado pola Biblioteca, facendo de Conta contos e narrándonos esta marabillosa historia a Infantil, 1º, 2º e 3º de Primaria. 
 O noso alumnado, interactou con Iago-Martiño, e mesmo axudou ao Conta contos a dar a coñecer os feitos do libro.
Previamente a Biblioteca montara unha Exposición con exemplares da obra para que o alumnado puidese lela e coñecela.
Iago asinounos todos os exemplares e deixounos unha dedicatoria de lembranza no Libro de Honra da Biblioteca.

sábado, 20 de mayo de 2017

18 FESTIVAL DE TITERES DE REDONDELA

Neste ano conmemórase a 18 Edición do Festival Internacional de Titeres de Redondela.
 Do 15 a 27 de maio celebraránse múltiples e divertidos espectáculos, tanto en sala como na rúa, que encherán Redondela de bullicio e risas a moreas.
 Os alumnos e alumnas de 3º, 4º, 5º e 6º do noso colexio, coas súas mestras, acudiron a un espectáculo do grupo arxentino "EL CHONCHÓN" titulado "Los cómicos del novecientos", cuxas marionetas de guante querían render homenaxe a artistas do cine mundo como Buster Keaton, "O gordo e o fraco", "Carlitos" Chaplin... 
           O director da compañía, antes de empezar a función, explicou a un público asombrado o funcionamento das marionetas e como había que colocar os dedos das mans para o seu movemento e caracterizacións.
Logo empezou o espectáculo 

O público, ao rematar a función, aplaudiu os artistas con ganas.

jueves, 18 de mayo de 2017

CELEBRANDO AS LETRAS GALEGAS CON CARLOS CASARES

   
   Nas semanas do 8 ao 19 de maio o Equipo de Dinamización da Lingua Galega  do colexio desenvolveu diversas actividades para coñecer a CARLOS CASARES, tales como un Concurso no que había que fotografarse coa escultura do escritor, erixida en Pontevedra.
 Participaron moitas familias e as fotografías aportadas foron expostas no Taboleiro da Lingua, no recibidor do colexio. Escolléronse, entre todas, tres, que recibiron de agasallo libros do autor homenaxeado nas Letras.
          A Biblioteca colaborou aportando materiais e difundíndoos a través dunha Exposición, das Comunicacións ás Aulas e subindo recursos ao Blog. Os libros da Exposición foron os usados nos Apadriñamentos/ Amadriñamentos Lectores entre aulas.
Fíxose o Tren das Palabras: Cada alumno/a escolleu a palabra que máis lle gustou das lecturas e escribiuna dentro da silueta dun vagón para formar dous Trens, que se pegaron nos corredores. 
Elaboráronse xogos, cos que interactuou o alumnado, visionáronse recursos… gozando como non podía ser menos de CASARES.
 No Festival das Letras Galegas alumnado de Primaria representou “A galiña azul” de CASARES.
 Outros cursos inspiráronse, para as súas actuacións diante da Comunidade Educativa, en temas relacionados co Espazo: cantando “A formiga e a Lúa”, recitando e escenificando “Romance da Lúa, Lúa”, de  García Lorca,  traducida previamente ao galego, ou recitando estrofas de creación propia que levaban por título “Viaxando polos Planetas”
A ambientación do escenario lembraba tamén a temática do Proxecto da Biblioteca. E como non, as restantes actuacións tiñan a nosa fermosa lingua galega como protagonista central.