Este curso celebramos un Samaín distinto explorando o Corpo humano, tendo en conta o Proxecto da Biblioteca.
O alumnado, xunto coas súas familias, na “ Semana dos medos”, decorou cabazas “esculpidas” con múltiples motivos relacionados co Corpo humano. Así xuntáronse verdadeiras esculturas cabaceiras representando o esquelete, o corpo por dentro (aparellos dixestivo, respiratorio…), cabezas humanas ou mesmo partes concretas como a boca, mans, corazón…
O mércores, 31 de Outubro, alumnado e familias foron sorprendidas ao entrar no Colexio coas súas cabazas acendidas e, ao seu redor, todos xuntos cantamos cancións aprendidas na Aula de Música.
Ao rematar a mañá, cada alumn@ levou para a casa a súa cabaza para acendela pola noite, e así celebrar o fin da tempada da colleita na cultura Celta e o comezo do seu Aninovo. Nesta noite, segundo as crenzas celtas, as almas dos mortos visitaban as casas das súas familias para quentarse e tomar algo de alimento.
No hay comentarios:
Publicar un comentario